வியாழன், 24 மே, 2018

அரசாங்கம் என்பது மக்களுக்காகத்தானே தவிர பணக்கார கார்ப்போரேட்களுக்காக அல்ல.

Shyam Shanmugaam L தூத்துக்குடியில் மே 22 அன்று நடந்த சம்பவங்களுக்குப்
பிறகு-
மறுநாள் மே 23 அன்று வெளி மாவட்டப் போலீஸ் குவிக்கப்பட்டபிறகும் போராட்டக்காரர்களை அடக்கத் துப்பாக்கிச் சூடு நடத்தப்பட்டு அதிலும் உயிர் இழப்பு ஏற்பட்டிருக்கிறது.
இது தவிர்த்திருக்கப்பட்டிருக்க வேண்டுமா, இல்லையா?
நெஞ்சில் கை வைத்துச் சொல்லுங்கள்.
மறைந்த ஜெயலலிதா தலைமையில் இரண்டு ஆண்டுகளுக்கு முன் 2016 மே மாதம் 23 ஆம் தேதி அ.தி.மு.க ஆட்சிக்கட்டில் ஏறியது.
ஈராண்டு நிறைவு நாளான இந்த ஆண்டு மே 22ம், 23ம் இவ்வளவு கொடூரமாக நரவேட்டையில் முடிந்திருக்கிறது.
"மஞ்சள் டீ ஷர்ட்" அணிந்த போலீஸ் சீருடையில் இல்லாத நபர்கள் குறி பார்த்துத் துப்பாக்கிச் சூடு நடத்திய படக்காட்சிகளை ஊடகங்கள் வெளியிட்டுள்ளன.
குற்றம் சாட்டப்பட்ட வேண்டியவர்கள் - தூத்துக்குடி மாவட்ட ஆட்சித்தலைவரும் காவல்துறை உயர் அதிகாரிகளும் தான். தலைமை வகிக்கும் அரசும் தார்மீகப் பொறுப்பேற்க வேண்டும்.
தூத்துக்குடியில் முத்தையாபுரம் அருகே உள்ள ஸ்பிக் உர ஆலையில் 1980வாக்கில் வேளாண்மை நிபுணராகப் பணியாற்றி இருக்கிறேன்.
பின்னர் தராசு 1996 காலகட்டத்தில் ஸ்டெர்லைட் ஆலை அபாயம் குறித்து எழுதி இருக்கிறேன்.

புதன், 23 மே, 2018

தூத்துக்குடி நெல்லை குமரி மாவட்டங்களில் இணைய சேவை முடக்கம் .. தோழர் தங்கபாண்டியன் நேர்காணல் !

 Tamil Nadu government orders to block internet services and news channels in Thoothukudi, Thirunelveli and Kanyakumari districts. Tamil Nadu is becoming another Kashmir.
நேற்று (22-05-2018) தூத்துக்குடியில் நடத்தப்பட்ட அரச பயங்கரவாத தாக்குதலான
துப்பாக்கிச் சூட்டில் பொதுமக்கள் 10 பேர் மரணமடைந்துள்ளனர். பலரும் காயமடைந்துள்ளனர். மக்களின் ஆட்சியர் அலுவலக முற்றுகைப் போராட்டத்தின் போது தூத்துக்குடியில் நடந்தது என்ன என்பதை விவரிக்கிறார், களத்தில் இருந்த தோழர் தங்கபாண்டியன்.

உதவாதினி ஒரு தாமதம் உடனே விழி தமிழா.

வழக்கமான ஆர்ப்பாட்டங்கள், கருப்புக் கொடி, மனிதச் சங்கிலி, உண்ணாவிரதம் போன்றவைகளுக்கான காலம் கடந்து விட்டது. எடப்பாடி பழனிச்சாமியின் ஆட்சியை உடனடியாக அகற்ற வேண்டிய அவசியமும் தேவையும் தற்போது வந்து விட்டது. கட்சி வேறுபாடுகளை மறந்து, ஸ்டாலின், டிடிவி தினகரன், பாட்டாளி மக்கள் கட்சி, வைகோ, திருமாவளவன், இடது சாரிகள், இதர இயக்கங்கள் அனைத்தையும் ஒன்றிணைத்து, எடப்பாடி பழனிச்சாமி மற்றும் அவர் அமைச்சர்களின் வீடுகளை முற்றுகை இட வேண்டும். ராஜினாமா செய்யும் வரை, இந்த போராட்டம் தொடர வேண்டும். இறந்த 11 உயிர்களுக்கு அதிமுக அடிமைகளை பதில் சொல்ல வைக்க வேண்டும். சட்டபேரவை ஒரு நிமிடம் கூட நடக்கக் கூடாது. எடப்பாடி பழனிச்சாமி இந்தப் பதவியை விட்டு ஓடும் வரை இந்தப் போராட்டங்கள் தொடர வேண்டும். எதிர்க்கட்சியாக உள்ள அத்தனை தலைவர்களின் கடமை இது.
Savukku : அந்தோணி செல்வராஜ், க்ளாஸ்டன், கந்தையா, மணிராஜ்,  ஜெயராம், சண்முகம், தமிழரசன், வினிதா, மற்றும் வினிஸ்டா ஆகிய ஒன்பது பேர், செவ்வாய் மாலை 5 மணி வரையில் காவல்த் துறை துப்பாக்கிச் சூட்டில் இறந்துள்ளனர்.
இன்று நடந்த போராட்டம், திடீரென்று, நேற்று இரவு திட்டமிடப்பட்டு இன்று காலை அரங்கேறிய போராட்டம் அல்ல. 100 நாட்களாக நடைபெறும் போராட்டத்தின் தொடர்ச்சி.   இன்று காலை, நடைபெற்ற போராட்டம், தடையை மீறி நடைபெற்ற போராட்டம் என்பதை காவல்துறை நன்றாகவே அறியும்.  இருந்தும், உள்துறையை தன் வசம் வைத்திருக்கும் முதலமைச்சரும், டிஜிபி டிகே.ராஜேந்திரனும் காட்டிய மெத்தனமும், அலட்சியமுமே இன்று 11 உயிர்களை பலி கொண்டிருக்கிறது.

ராகுல் : "ஆர்.எஸ்.எஸ் சித்தாந்தத்திற்கு அடிபணிய மறுப்பதால் தமிழர்கள் படுகொலை செய்யப்படுகின்றனர்"

பிந்திய செய்தி :நேற்று நடைபெற்ற துப்பாக்கிச் சூட்டில் 11பேர் வரை பலியாகியுள்ள நிலையில், மீண்டும் அதிர்ச்சியளிக்கக் கூடிய வகையில் இன்று தூத்துக்குடி அரசு மருத்துவமனை வளாகத்தில் போலீசார் துப்பாக்கிச் சூடு நடத்தியுள்ளனர்.
தமிழர்கள் படுகொலை செய்யப்படுகின்றனர்!மின்னம்பலம்: தூத்துக்குடி துப்பாக்கிச் சூடு சம்பவத்திற்குக் கண்டனம் தெரிவித்துள்ள காங்கிரஸ் தலைவர் ராகுல் காந்தி, "ஆர்.எஸ்.எஸ் சித்தாந்தத்திற்கு அடிபணிய மறுப்பதால் தமிழர்கள் படுகொலை செய்யப்படுகின்றனர்" என்று குறிப்பிட்டுள்ளார்.
தூத்துக்குடியில் நடைபெற்ற துப்பாக்கிச் சூடு சம்பவத்தில் 11பேர் வரை கொல்லப்பட்டதாக தெரிவிக்கப்பட்டுள்ளது. ஆனால் இறந்தவர்களின் எண்ணிக்கை இன்னும் உறுதிப்படுத்தப்படவில்லை. இந்த சம்பவத்திற்கு பல்வேறு தலைவர்களும் கடும் கண்டனம் தெரிவித்துள்ளனர்.
ராகுல்காந்தி இன்று (மே 23) தமிழில் பதிவிட்டுள்ள ட்விட்டில், "தமிழர்கள் படுகொலை செய்யப்படுகின்றனர், ஏனென்றால் அவர்கள் ஆர் எஸ்.எஸ் சித்தாந்தத்திற்கு அடிபணிய மறுக்கின்றனர். ஆர்.எஸ்.எஸ் மற்றும் மோடியின் தோட்டாக்களால் ஒருபோதும் தமிழ் மக்களின் உணர்வுகளை நசுக்க முடியாது. தமிழ் சகோதர சகோதரிகளே , நாங்கள் உங்களுடன் இருக்கிறோம்." என்று குறிப்பிட்டுள்ளார்.

கர்நாடக மாநில முதல்வராக குமாரசாமி பதவியேற்பு! விடியோ


பதவியேற்பு விழாவில் சோனியா காந்தி, ராகுல் காந்தி, மாயாவதி, மம்தா பானர்ஜி, சந்திரபாபு நாயுடு உள்ளிட்ட முக்கியமான எதிர்க்கட்சித் தலைவர்கள் பலரும் கலந்துகொண்டனர்
நக்கீரன்: கர்நாடக மாநிலத்தின் 24ஆவது முதல்வராக ம.ஜ.த. தலைவர் குமாரசாமி இன்று பதவியேற்றுள்ளார். கர்நாடக சட்டசபைத் தேர்தல் கடந்த மே 12ஆம் தேதி நடைபெற்றது. இந்தத் தேர்தல் முடிவுகள் மே 15ஆம் தேதி வெளியாகிய நிலையில், எந்தக் கட்சிகளும் பெரும்பான்மை தொகுதிகளில் வெற்றிபெறாத நிலையே இருந்தது. இதையடுத்து, காங்கிரஸ் கட்சி மதச்சார்பற்ற ஜனதா தளம் கட்சிக்கு நிபந்தனையற்ற ஆதரவளிப்பதாக தெரிவித்தது. ஆனால், 104 தொகுதிகளில் வெற்றிபெற்றிருந்த பா.ஜ.க.வை தனிப்பெரும் கட்சி என்ற அந்தஸ்துடன் அம்மாநில ஆளுநர் வஜுபாய் வாலா எடியூரப்பாவை முதல்வராக பொறுப்பேற்றார்.

கர்நாடகா காங்கிரஸ் எம் எல் ஏக்கள் மத்தியில் சோனியா

மாலைமலர்:  கர்நாடக சட்டசபை தேர்தலில் வெற்றி பெற்ற காங்கிரஸ்
எம்.எல்.ஏ.க்களை ஒருவார காலம் ஓட்டலில் அடைத்து வைத்ததற்கு காங்கிரஸ் முன்னாள் தலைவர் சோனியா காந்தி வருத்தம் தெரிவித்துள்ளார். பெங்களூரு கர்நாடக சட்டசபை தேர்தலில் அதிக இடங்களை பெற்ற பா.ஜ.க.வால் சட்டசபையில் போதுமான பெருபான்மையை நிரூபிக்க முடியாதபட்சத்தில் தனது பதவியை எடியூரப்பா ராஜினாமா செய்தார். இதைத்தொடர்ந்து மதச்சார்பற்ற ஜனதா தளம் கட்சியின் தலைமையில் கூட்டணி ஆட்சி அமைக்க காங்கிரஸ் தீர்மானித்தது.
இதையொட்டி, சட்டசடை தேர்தலில் வெற்றி பெற்ற காங்கிரஸ் தலைவர்கள் அனைவரும் பெங்களூரு நகரில் உள்ள பிரபல நட்சத்திர ஓட்டலில் கடந்த 8 நாட்களாக தங்க வைக்கப்பட்டிருந்தனர். இந்நிலையில், கர்நாடக முதல்வராக குமாரசாமி பதவியேற்கும் விழாவில் பங்கேற்பதற்காக காங்கிரஸ் தலைவர் ராகுல் காந்தி மற்றும் முன்னாள் தலைவர் சோனியா காந்தி இன்று பெங்களூரு நகருக்கு வந்தனர்.

ஸ்டெர்லைட் இரண்டாவது நாளாக தொடர்ந்து துப்பாக்கி சூடு தடியடி.. இதுவரை 12 உயிரழப்பு

BBC :தூத்துக்குடியில் இரண்டாவது நாளாக தொடர்ந்து தடியடி நடத்தியது காவல்துறை. போலீசாருடனான மோதலில் ஐந்து பேர் காயமடைந்துள்ளதாகவும், ஒருவர் கவலைக்கிடமாக உள்ளதாகவும் கூறப்படுகிறது. அரசாங்க தரப்பில் இதுபற்றி அதிகாரபூர்வ தகவல்கள் இன்னும் வெளியிடப்படவில்லை  

விடுதலை :தூத்துக்குடி, மே 23 தூத்துக்குடி ஸ்டெர்லைட் ஆலையை நிரந்தரமாக
மூடக்கோரி  144 தடை உத்தரவை மீறி ஆட்சியர் அலுவலகத்திற்கு பேரணியாக சென்ற பொதுமக்கள் மீது காவல்துறையினர் நடத்திய துப்பாக்கி சூட்டில் 2 பெண்கள் உள்பட 12 பேர் பலியாயினர். இந்த கலவரத்தில் 100க்கும் மேற்பட்ட வாகனங்கள் தீ வைத்து எரிக்கப்பட்டன. ஆட்சியர் அலுவலக கண்ணாடி கதவுகள் உடைக்கப்பட்டு சூறையாடப் பட்டது. அங்கு நிறுத்தியிருந்த வாகனங்கள் தீவைத்து கொளுத்தப்பட்டன. ஸ்டெர்லைட் குடியிருப்புக்கும் தீவைக்கப்பட்டது. திரும்பிய பக்கமெல்லாம் கலவரம் சூழ்ந்ததால், தூத்துக்குடி மாநகரமே ரணகளமாக மாறியது.
தூத்துக்குடி ஸ்டெர்லைட் ஆலையை நிரந்தரமாக மூட வலியுறுத்தி  கடந்த  100 நாட்களாக பொதுமக்கள் பல்வேறு கிராமங்களில் போராட்டம் நடத்தி வருகின்றனர். இந்த போராட்டத்தின் 100ஆவது நாளான நேற்று ஸ்டெர்லைட் எதிர்ப்பு மக்கள் கூட்டமைப்பு, தூத்துக்குடி ஆட்சியர் அலுவலகத்தை முற்றுகையிடும் போராட்டம் அறிவித்தது. ஆனால், இதற்கு காவல்துறையினர் அனுமதியளிக்க மறுத்து விட்டனர்.

பதில் இல்லா டாப் 10 கேள்விகள் : SLR .. 762 mm Self loading Rifile ..

Venkat Ramanujam : 1) சீருடை இல்லாமல் எப்படி சுட போச்சு....
2) ராம்குமார் எப்படி மின்சார வயர் தானே கடிச்சி ...
3) ஸ்வாதி போஸ்ட் மார்ட்டம் ரீப்போர்ட் என்னாச்சி ..
Click to see biger
4) போலி நமப்ர் ப்ளேட்  லாரி container #570cr பணம் எப்படி SBI ந்னு 72 hrs கழிச்சி ஜெட்லி சொல்லுச்சி ..
5) ஜெயலலிதா கறுப்பு பூனை படை அப்போலோவில் 75 days எங்க இருந்துச்சு ..
6)ஓட்டு இயந்த்திரத்தில் பதிவான ஒட்டுகளை விட எண்ணிய ஒட்டுகள் எப்படி தமிழ்நாடு .,திரிபுரா , குஜராத் உபி கர்னாடக வில் அதிகமாச்சு..
7) 140$ பேரல் இருக்கும் போது MMS கொடுத்த 80ரூ பெட்ரோல் ., 80$ பேரல் இருக்கும் போது 84ரூ பெட்ரோல்னு மோடி #petrolscam ஏன் பண்ணிச்சி ..
8) 36000 கோடி #rafalescam #bjp கப்சிப் ஏன் ஆச்சு ..
9)நீதிமன்றம் 18 MLA வழக்கில் ஏன் 5 மாசமா ஏன் தூங்கிச்சு ..

10) 4"பை 7" சைஸ் நோட்டிஸ் கொடுத்த மாணவி வளர்மதிக்கு குண்டாஸ் போட்ட காவல் துறை .,படுத்து தான் முன்னேருகிறார்கள் என்று சொன்ன கொளுந்த்தன் சேகர்க்கு ஏன் கால் பிடிச்சி வுட்டுச்சி ..

கலைஞர் குணமாகி வருகிறார் ... செய்தி தாள்களை வாசிக்கிறார்

செய்தித்தாள் வாசிப்பதே செய்தி!மின்னம்பலம்: தமிழ்நாட்டு நாளேடுகளில் அரை நூற்றாண்டுக்கும் மேலாக தலைப்புச் செய்தியாக வலம்வரும் திமுக தலைவர் கலைஞர் கருணாநிதி, தற்போது செய்தித்தாள் வாசிப்பதும் செய்தியாகியுள்ளது.
திமுக தலைவர் கலைஞர்  உடல்நலக் குறைவினால் கடந்த 2016ஆம் ஆண்டு டிசம்பர் மாதம் முதல் தனது கோபாலபுரம் இல்லத்தில் ஓய்வெடுத்து வருகிறார். அவரை தமிழகத் தலைவர்கள் மட்டுமல்லாது பிரதமர் உள்பட தேசியத் தலைவர்களும் சந்தித்து நலம் விசாரித்து வருகின்றனர். சில மாதங்களுக்கு முன்பு கலைஞரின்  உடல்நிலையில் நல்ல முன்னேற்றம் ஏற்பட்டதைத் தொடர்ந்து முரசொலி பவள விழா கண்காட்சி, அண்ணா அறிவாலயம், சிஐடி காலணி இல்லம் உள்ளிட்ட இடங்களுக்குச் சென்று வந்தார். அவருக்குப் புத்துணர்வு ஏற்படுத்தும் வண்ணம் மு.க.தமிழரசுவின் பேரனை அழைத்து வந்து அவருடன் விளையாடவும் வைத்தனர்.
ஓய்வில் இருந்தாலும் திமுக தலைவர் கலைஞர்  இருக்கும் அறைக்குத் தினந்தோறும் அனைத்து செய்தித்தாள்களும் எடுத்துச் செல்லப்படுகின்றன. இதுநாள்வரை உடல்நிலை காரணமாக செய்தித்தாள்கள் வாசிக்காமல் இருந்த கலைஞர் , நேற்று (மே 22) தன் மேஜையில் இருந்த விடுதலை நாளிதழை எடுத்து புரட்டிப் பார்த்து வாசித்திருக்கிறார். இந்தக் காட்சியைக் கண்ட  உதவியாளர்கள் மகிழ்ச்சியிலும் ஆச்சர்யத்திலும் ஆழ்ந்தனர். உடனடியாக இக்காட்சியைப் புகைப்படம் எடுத்து கலைஞரின்  குடும்பத்தினருக்கு அனுப்பினர்.

தமிழகம் முழுவதும் போராட்டம்!

தமிழகம் முழுவதும் போராட்டம்!
மின்னம்பலம் :தூத்துக்குடி ஸ்டெர்லைட் ஆலையை மூடக்கோரி நடைபெற்ற பேரணியில் காவல் துறை நடத்திய துப்பாக்கிச் சூட்டில் பத்தாம் வகுப்பு மாணவி உள்ளிட்ட 11 பேர் உயிரிழந்துள்ளனர். காவல் துறையின் துப்பாக்கிச் சூட்டைக் கண்டித்து நேற்று தமிழகம் முழுவதும் போராட்டங்கள் நடைபெற்றன.
ஸ்டெர்லைட் அதிபர் வீடு முற்றுகை
லண்டனில் வசித்து வரும் தமிழர்கள் நேற்று தூத்துக்குடி துப்பாக்கிச் சூட்டைக் கண்டித்து அனில் அகர்வால் வீட்டை முற்றுகையிட்டு போராட்டம் நடத்தினர். ‘அவர்கள் குற்றவாளி உள்ளே இருக்கிறார்’ என்றும், ‘கொலையாளி வேதாந்தா’ என்றும் முழக்கமிட்டனர்.
தூத்துக்குடி விரையும் தலைவர்கள்
இந்த நிலையில், திமுக செயல் தலைவர் ஸ்டாலின் இன்று காலை தூத்துக்குடி செல்லவுள்ளார். மதிமுக பொதுச் செயலாளர் வைகோ, விடுதலைச் சிறுத்தைகள் தலைவர் திருமாவளவன் உள்ளிட்டோரும் இன்று தூத்துக்குடி விரைகின்றனர்.

முதல்வர் உருவபொம்மை எரிப்பு
சென்னையில் இயக்குநர் கவுதமன் தலைமையில், மாணவர்கள் போராட்டத்தில் ஈடுபட்டனர். அப்போது ஸ்டெர்லைட் ஆலை உரிமையாளரின் உருவ பொம்மையும், முதல்வர் எடப்பாடி பழனிசாமியின் உருவ பொம்மையும் எரிக்கப்பட்டது.
தமிழக அரசைக் கண்டித்து மக்கள் அதிகாரம் அமைப்பினர் வழக்கறிஞர் ராஜு தலைமையில் சென்னை கோயம்பேட்டில் போராட்டம் நடத்தினர். அதனைத் தொடர்ந்து திருச்சி, விழுப்புரம், தர்மபுரி உள்ளிட்ட மாவட்டங்களிலும் மக்கள் அதிகாரம் அமைப்பினர் போராட்டம் நடத்தினர்.

கொலைகார அனில் அகர்வால்".. லண்டன் வீடு முன்பு திரண்டு தமிழர்கள் போராட்டம்!


லண்டனில்  உள்ள ஸ்டெர்லைட் வேதாந்தா தலைமை நிலையம் மற்றும் அவரது  வீட்டை முற்றுகையிட்டு   போராட்டம்  ஒன்று இன்று மாலை நடைபெற்றது. Mathi - Oneindia Tamil  லண்டன்: தூத்துக்குடி படுகொலையைக் கண்டித்து லண்டனில் வேதாந்தா குழுமத்தின் தலைவர் அனில் அகர்வால் வீடு முன்பாக தமிழர்கள் போராட்டம் நடத்தினர். வேதாந்தா குழுமத்துக்குச் சொந்தமானது ஸ்டெர்லைட் தொழிற்சாலை. தூத்துக்குடியில் ஸ்டெர்லைட் தொழிற்சாலை செயல்பட்டு வருகிறது. இந்த நாசகார தொழிற்சாலையை மூடக் கோரி நடத்தப்பட்ட போராட்டத்தில் 10 பேர் போலீசாரின் துப்பாக்கிக் குண்டுகளுக்கு பலியாகினர். இது உலகத் தமிழர்களை உலுக்கியுள்ளது. லண்டனில் அனில் அகர்வால் வீடு முன்பாக ஒன்று திரண்ட தமிழர்கள் போராட்டத்தை நடத்தினர். கொலைகார அனில் அகர்வால் இந்த வீட்டில்தான் இருக்கிறார் என முழக்கங்கள் எழுப்பினர்.

துப்பாக்கிச் சூட்டில் பலியான 12 பேரின் உடல்களை வாங்க உறவினர்கள் மறுப்பு!

ஆட்சியர் வெங்கடேஷ்
Relatives of Victims asked Sterlite to Shutdown immediately துப்பாக்கி சூட்டுக்கு உத்தரவிட்ட தூத்துக்குடி மாவட்ட ஆட்சியர் வெங்கடேஷ்
tamil.oneindia.com-/mohan-prabhaharan.:தூத்துக்குடி : ஸ்டெர்லைட் ஆலைக்கு எதிரான நடந்த போராட்டத்தில், துப்பாக்கிச்சூட்டில் பலியான 12 பேரின் உடல்களை வாங்க உறவினர்கள் மறுத்துள்ளனர். ஆலையை நிரந்தரமாக மூடுவதாக எழுத்துப் பூர்வமாக எழுதிக் கொடுத்தால் மட்டுமே உடல்களை வாங்கப் போவதாக அறிவித்துள்ளனர்.
தூத்துக்குடியில் ஸ்டெர்லைட் ஆலையைக் கண்டித்து மக்கள் நடத்தி வரும் போராட்டம் நேற்றுடன் 100வது நாளை எட்டியது. இதற்காக பேரணியாகச் சென்று மாவட்ட ஆட்சியரிடம் மனு கொடுப்பதற்காக அனுமதி மறுக்கப்பட்டு 144 தடை உத்தரவு பிறப்பிக்கப்பட்டது.

BBC :போராட்டத்தில் பங்கேற்காத ஜான்சி துப்பாக்கிச் சூட்டில் தலை சிதறி இறந்தாரா? #Ground_Report

துப்பாக்கிச் சூட்டில் பலியான ஜான்சி
கைக்குழந்தையுடன், குடும்பப்
புகைப்படம். உடைந்த மண்டை ஓட்டின் ஒரு துண்டும், சிதறிய மூளையும் தூத்துக்குடி மாவட்டம் திரேஸ்புரம் கிராமத்தின் நுழைவுப்பகுதியில் கிடந்தன. அவை, ஸ்டெர்லைட் ஆலைக்கு எதிராக தூத்துக்குடியில் மே22 நடந்த போராட்டத்தில் கலந்துகொள்ளாத ஜான்சியின் மண்டை ஓடும், மூளையும் என்கிறார்கள் திரேஸ்புர கிராமவாசிகள்.
தன்னுடைய வீட்டில் இருந்து அவரது சகோதரி வீட்டுக்கு செல்வதற்காக வெளியேவந்த சிலநிமிடங்களில் துப்பாக்கிச்சூட்டிற்கு ஜான்சி(48) பலியானார் என சம்பவத்தை நேரில் பார்த்தவர்கள் கூறுகின்றனர்.
மாவட்ட ஆட்சியரின் இல்லம் அமைந்துள்ள இடத்தில் இருந்து வெறும் இரண்டு கிலோமீட்டர் தூரத்தில் இருக்கும் திரேஸ்புரம் ஒரு மீனவர் பகுதி. போராட்டம் முடிவுக்கு வந்த பின்னர், திரேஸ்புரத்திற்குள் காவல்துறையினர் நடத்திய துப்பாக்கிச்சூட்டின் நடுக்கத்தில் இருந்து இன்னும் மீளவில்லை என்கிறார்கள் மக்கள்.

முள்ளிவாய்க்காலைப் போல சுற்றி வளைக்கப்பட்டுள்ள தூத்துக்குடி, திரேஸ்புரம்!

இன்றிரவு நடக்கவிருக்கும் போலீசு
தாக்குதலை தடுத்து நிறுத்த குரல் - பத்திரிகையாளர்கள், எழுத்தாளர்கள், மனித உரிமை செயற்பாட்டாளர்கள் கூட்டறிக்கை
தூத்துக்குடியில் துப்பாக்கிச் சூட்டில் கொல்லப்பட்டவர்கள் எண்ணிக்கை 14 என்பது கடைசியாக கிடைத்த தகவல். 30 பேருக்கும் மேற்பட்டவர்கள் குண்டடி பட்டிருக்கின்றனர். துப்பாக்கிச் சூடு மாவட்ட ஆட்சியர் அலுவலகப் பகுதியில்தான் நடைபெற்றது என்பது உண்மைக்குப் புறம்பானது என்கிறார்கள் தூத்துக்குடி மக்கள்.
திரேஸ்புரம் பகுதிக்குள் மாவட்ட காவல் கண்காணிப்பாளர் வரும்போது, அவருக்கு காவல் வந்த படையினர் துப்பாக்கியால் சுட்டதில் இரண்டு பெண்கள் ஓர் ஆண் உள்ளிட்ட மூவர் கொல்லப்பட்டிருக்கின்றனர்.
இத்தனை சாவுகளுக்குப் பிறகும் போலீசு தாக்குதல் முடிவடையவில்லை. திரேஸ்புரம், லயன்ஸ் டவுன், பாத்திமா நகர், மாதா கோயில் போன்ற பகுதிகளில் இப்போது காவல்துறை வீடுவீடாக சோதனை நடத்தி வீட்டில் இருப்பவர்களை கைது செய்து கொண்டு போகிறது. இவை அனைத்துமே மீனவ சமூகத்தினர் வாழும் பகுதிகள் ஆகும்.

செவ்வாய், 22 மே, 2018

ஸ்னைப்பர் வீரர்கள் மப்டி உடையில் .. நின்று ... நிதானமாக ... குறி பார்த்து ... தூ..!

போராட்ட களத்திற்கு வெகு தூரத்தில் இருந்து துப்பாக்கி சூடு தொடங்கி
உள்ளனர்...
இது ஒரு திட்டமிட்ட இனபடுகொலை
இலக்கு தவறகூடாது என்பதற்க்காகவே ஸ்னைப்பர் வீரர்கள் பயன்பட்டுள்ளது.
ஸ்னைப்பர் வீரர் 7.2 mm துப்பாக்கி பயன்படுத்தப்பட்டுள்ளர்
3800 மீட்டர் இலக்கை தாக்கி கொல்லும்
ஆப்டிகல் சைட் 1300 மீட்டர்
ஒப்பன் சைட் 1200 மீட்டர்
1300 மீட்டரில்( 1.3 கிலோ மீட்டர் )
ஒரு முடி அளவு குறி தவறாமல் சுடலாம்
கலவரத்தை கலைக்க எதற்க்காக ஸனைப்பர் பயன்படுத்தப்பட வேண்டும் ?
இலக்கு தவறாமல் மிகச்சரியாக சுட கூடிய துப்பாக்கியை வைத்து கால்களில் சுடமால் மார்பில் வாயில் சுட்டதான் நோக்கம் என்ன...????
துப்பாக்கி சூடு நடத்த அனுமதி அளித்த அதிகாரி யார்.
இவ்வளவு பெரிய போராட்டம் நடக்கும் என தெரிந்தும். முன் தினமே போராட ஒருங்கிணைப்பாளர்களை முன்னெச்சரிக்கை நடவடிக்கையாக கைது செய்யாதது ஏன்...
முதல் துப்பாக்கி சூடு நடந்த பொழுது மக்கள் அனைவரும் மாவட்ட ஆட்சியர் அலுவலகத்தை விட்டு ஓடி விட்டனர்.
அதற்கு பின்னர் அங்க இருந்த போலீஸ் வாகனங்களுக்கு தீ வெச்சது யார்....???
துப்பாக்கி சூட்டில் ஈடுபட்ட ஸ்னைப்பர் வீரர்கள் எந்த அணியை சேர்ந்தவர்கள்.
தமிழக படை பிரிவா.
துணை ராணுவா படை பிரிவா
தொழில் பாதுகாப்பு படைபிரிவா
இந்திய ராணுவா படை பிரிவா

போராட்ட ஒருங்கிணப்பாளர்களை குறி வைத்து சுட்டு தள்ளினர்....ஆயர் ஜெயசீலன் சற்றுமுன் மரணமடைந்தார்!!

புரட்சிகர முன்னணி இயக்க தோழர்கள் தமிழரசன், சண்முகம், வினிதா, தங்கையா, கிளாட்சன், ஜெயராமன் என்று 6 பேர் அதிமுக அரசின் ஆணைப்படி போலீசால் படுகொலை. ஒரே இயக்கத்தை சேர்ந்த ஆறு பேரை திட்டமிட்டு கொன்றதை பற்றி எந்த ஊடகமும் வாய் திறவாது !!
போராட்டத்தை ஒருங்கிணைத் தவர்களைத்... தேடித்தேடிக் கண்டு பிடித்து திட்டமிட்டுக் கொன்றுள்ளனர்
1) புதிய தலைமுறையில் காட்டப்படுவது Self Loading Rifle அல்லது INSAS Rifle போல் தெரிகிறது. கூட்டத்தைக் கலைக்க, நிலைமையைக் கட்டுக்குள் கொணர இந்த வகைத் துப்பாக்கிகளைத் தான் பயன்படுத்துவார்களா? Tear Gas, Riot Gun, Air Gun தானே கலவரங்களில் பயன்படுத்துவார்கள்?
2) இறந்தவர்களில் பெரும்பாலானோர் ஸ்டெர்லைட் எதிர்ப்புப் போராட்டத்தை ஒருங்கிணைத்தவர்கள் என்கிறார்கள். கலவரத்தை அடக்க நிகழ்த்தப்பட்ட ஒரு random துப்பாக்கிச்சூட்டில் எப்படிக் குறிப்பாய் போராட்டத்தின் முக்கியஸ்தர்கள் இறந்தார்கள்?
3) இறந்தவர்களில் பெரும்பாலானோர் நெஞ்சில் அல்லது தலையில் குண்டடி பட்டு இறந்திருக்கிறார்கள். இறப்பை உத்தேசித்த சுடுதலில் தான் இந்தத் துல்லியம் சாத்தியம். ஒன்றிரண்டு எனில் விபத்தாய்க் குறி பிசகி விட்டது எனலாம். இது மரணத்தைக் குறி வைத்தது போல் தானே இருக்கிறது?
4) சுட்டவர்கள் யார்? வழக்கமான காவல் துறையினரா அல்லது துப்பாக்கிச்சூட்டில் தேர்ந்தவர்களா? (பயன்படுத்தப்பட்ட துப்பாக்கிகளையும், குறியின் துல்லியத்தையும் நோக்குங்கால் அவர்கள் வழக்கமான போலீஸாராகத் தோன்றவில்லை.) இரண்டாவது எனில் அவர்கள் ஏன் வரவழைக்கப்பட்டார்கள்? எனில் தேர்ந்தெடுத்த போராட்டக்காரர்களைப் போட்டுத் தள்ளுவது தான் நோக்கமா?

தூத்துக்குடியில் ஜாலியன் வாலாபாக்!

 மின்னம்பலம் L தூத்துக்குடியில் ஜாலியன் வாலாபாக்!
ஸ்டெர்லைட் போராட்டத்தின் போது, பயிற்சி பெற்ற கமாண்டோ படை வீரர்கள் போலிஸ் வாகனத்தின் மீது ஏறி நின்று கொண்டு ஒவ்வொருவராக குறி பார்த்து சுட்டனர். - டைம்ஸ் நவ் தொலைக்காட்சி செய்தி
மின்னம்பலம் : ஸ்டெர்லைட்
ஆலைக்கு எதிராக நடைபெற்ற போராட்டத்தில் கலந்துகொண்டவர்கள் மீது காவல் துறை நடத்திய துப்பாக்கிச் சூட்டில் 13 பேர் வரை பலியாகியுள்ளனர். காவல் துறையின் இந்த நடவடிக்கைக்குப் பல்வேறு தலைவர்களும் கண்டனம் தெரிவித்துள்ளனர்.
தூத்துக்குடியில் செயல்பட்டுவரும் ஸ்டெர்லைட் ஆலையை நிரந்தரமாக மூடக் கோரித் தொடர்ந்து போராட்டங்கள் நடைபெற்றுவருகின்றன. 100ஆவது நாளான இன்று (மே 22) தூத்துக்குடியில் மாவட்ட ஆட்சியர் அலுவலகத்தை முற்றுகையிடும் போராட்டம் நடைபெறும் என்று போராட்டக்காரர்கள் அறிவித்திருந்தனர். ஆனால் நேற்று இரவு முதல் தூத்துக்குடியில் 144 தடை உத்தரவு பிறப்பிக்கப்பட்டு, காவல் துறையினர் குவிக்கப்பட்டிருந்தனர். இன்று காலை தடையை மீறி ஆட்சியர் அலுவலகத்தை முற்றுகையிட ஆயிரக்கணக்கான மக்கள் திரண்டனர். அவர்களை விவிடி சிக்னல் அருகே காவல் துறையினர் தடுத்து நிறுத்தினர். இதனால் இரு தரப்புக்கும் இடையே தள்ளுமுள்ளு ஏற்பட்டது.
இதையடுத்து போராட்டக்காரர்களை தடியடி நடத்தியும், கண்ணீர் புகைக்குண்டு வீசியும் காவல் துறையினர் கலைக்க முயற்சி செய்தனர்.

தூத்துக்குடிக்கு விரைகிறார் ஸ்டாலின்.... குமாரசாமி பதவியேற்பில் பங்கேற்கவில்லை!

Stalin insist on judicial enquiry on tuticorin firing tamil.oneindia.com/authors/aravamudhan: சென்னை: தூத்துக்குடியில் போராட்டத்தில் ஈடுபட்ட மக்கள் மீது நடத்தப்பட்ட துப்பாக்கிச் சூடு குறித்து நீதி விசாரணை நடத்தப்பட வேண்டும் தலைமைச் செயலரை நேரில் சந்தித்து திமுக செயல் தலைவர் ஸ்டாலின் வலியுறுத்தினார். இந்த நிலையில், தூத்துக்குடிக்கு நேரில் சென்று பார்வையிட உள்ளதால், கர்நாடக முதல்வராக குமாரசாமி பதவியேற்கும் விழாவில் பங்கேற்கப் போவதில்லை என்று அவர் கூறினார்.
தூத்துக்குடியில் அமைந்துள்ள ஸ்டெர்லைட் ஆலையால் நிலத்தடி நீர் மாசுபடுவதுடன் விவசாயம் பாதிக்கப்படுவதாக அப்பகுதி மக்கள் எதிர்ப்பு தெரிவித்தனர். மேலும் மூச்சுத்திணறல், புற்றுநோய் உள்ளிட்ட நோய்கள் ஏற்படுவதாகவும் கூறி கடந்த 3 மாதங்களுக்கு மேலாக அந்த நிறுவனத்துக்கு எதிராக போராட்டம் நடத்தி வருகின்றனர். இந்த போராட்டம் இன்று 100-ஆவது நாளை எட்டியது. போராட்டத்தை தீவிரப்படுத்தும் வகையில் தூத்துக்குடி ஆட்சியர் அலுவலகத்தை முற்றுகையிட மக்கள் பேரணியாக சென்றனர். அதை போலீசார் தடுத்து நிறுத்தி, தடியடி நடத்தினர்.

BBC : ஸ்டெர்லைட் போராட்டம்: ஒரு பெண் உள்பட .. பிந்திய செய்தி ..11 உயிரழப்பு


தூத்துக்குடி ஸ்டெர்லைட் ஆலைக்கு எதிரான போராட்டத்தில் தடையை மீறி போராட்டம் நடத்தியவர்கள் மீது காவல் துறையினர் துப்பாக்கிச்சூடு நடத்தப்பட்டுள்ளது. போராட்டத்தில் கலந்து கொண்டவர்களில் ஒரு இளம்பெண் உள்பட ஒன்பது பேர் பலியாகியுள்ளதாக தூத்துக்குடி அரசு மருத்துவமனையின் இருப்பிட மருத்துவ அலுவலர் சிலாஸ் ஜெயமணி தெரிவித்துள்ளார்.
அவர்கள் அனைவரும் துப்பாக்கிச்சூட்டில் இறந்தனர் என்றும் இறப்புக்கான காரணம் துப்பாக்கி குண்டுகள்தானா என்பதை பிரதேப் பரிசோதனைக்கு பின்னரே கூற முடியும் என்று பிபிசி தமிழிடம் அவர் தெரிவித்தார். உயிரிழந்தவர்களில் தமிழரசன், சண்முகம், கிளாஸ்டன், கந்தையா, மணிராஜ், அந்தோணி செல்வராஜ், ஜெயராமன் மற்றும் வெணீஸ்டா ஆகிய எட்டு பேர் அடையாளம் காணப்பட்டுள்ளனர். ஒரு பெண்ணின் அடையாளம் இதுவரை தெரியவில்லை.e>சுமார் 40 போராட்டக்காரர்கள் காயமடைந்துள்ளதாகவும், தூத்துக்குடி அரசு மருத்துவமனையின் அவசர ஊர்தி ஒன்றுக்கு தீவைக்கப்பட்டதாகவும் அவர் தெரிவித்துள்ளார்.

தூத்துக்குடி: போலீசார் பொதுமக்களின் நெஞ்சை நோக்கி 70 தடவைக்கும் மேலாக சுட்டனர்!

நக்கீரன் :தூத்துக்குடி ஸ்டெர்லைட்
STERLITE ஆலையை மூடக்கோரி குமாரரெட்டியார்புரம் கிராம மக்கள் நடத்திவரும் போராட்டம் இன்று 100வது நாளை எட்டியுள்ளது. இந்நிலையில், ஸ்டெர்லைட் ஆலையை மூடக்கோரி மாவட்ட ஆட்சியர் அலுவலகத்தை முற்றுகையிட பல்வேறு கிராம மக்கள் ஏராளமானோர் இன்று காலை பேரணியாக சென்றனர். அப்போது போலீசாருக்கும் பொதுமக்களுக்கும் இடையே மோதல் உருவாகி கலவரமானது. இதில் போலீசார் நடத்திய துப்பாக்கிச் சூட்டில் 9 பேர் பலியானார்கள். 5 பேர் கவலைக்கிடமாக உள்ளனர். மேலும் 50க்கும் மேற்பட்டோர் படுகாயங்களோடு மருத்தவமனையில் சிகிச்சைக்காக அனுமதிக்கப்பட்டுள்ளனர்.
  போலீசார் கூட்டத்தை கலைக்க முதலில் கண்ணீர் புகைக் குண்டுகளை வீசினர். கூட்டம் கலையவில்லை என்றதும் போலீசார் வானத்தை நோக்கி சுடாமல், எடுத்த எடுப்பிலேயே பொதுமக்களின் நெஞ்சை நோக்கி சுட ஆரம்பித்துள்ளனர். சுமார் 70 தடவைக்கும் மேலாக துப்பாக்கி சூடு நடத்தியுள்ளனர்.

ஸ்டெர்லெட் போராட்டம் போர்க்களமானது ஏன்? துப்பாக்கி சூடு பின்னனி விவரம்..!

நக்கீரன் -பரமசிவம்:


தூத்துக்குடி மாவட்டத்தில் செயல்பட்டு வரும் ஸ்டெர்லைட் ஆலையை மூடக்கோரி குமாரரெட்டியார்புரம் உள்ளிட்ட 21 கிராம மக்கள் தொடர்ச்சியாக போராட்டம் நடத்தி வந்தனர். போராட்டம் இன்று 100வது நாளை எட்டிய நிலையில், ஸ்டெர்லைட் ஆலைக்கு நிரந்திர தடைவிதிக்கக் கோரி தூத்துக்குடி முழுவதும் இன்று ஒரு நாள் கடையடைப்பு போராட்டமும், பழைய பேருந்து நிலையம் ஏதிரில் கவன ஈர்ப்பு ஆர்ப்பாட்டமும், தொடர்ந்து 21 கிராம மக்கள் பேரணியாக சென்று ஆட்சியர் அலுவலகம் முற்றுகை போராட்டமும் நடைபெறும் என அறிவிக்கப்பட்டது. இதனால் முன்னெச்சரிக்கை நடவடிக்கையாக நேற்று இரவு முதல் தூத்துக்குடி சிப்காட் மற்றும் தெற்கு காவல் நிலைய எல்கைக்கு உட்பட்ட பகுதிகளில், 144 தடை உத்தரவு பிறப்பிக்கப்பட்டது.

இந்நிலையில், இன்று காலை தடை உத்தரவை மீறி ஸ்டெர்லைட் ஆலையை மூடக்கோரி மாவட்ட ஆட்சியர் அலுவலகத்தை முற்றுகையிட சுமார் 50 ஆயிரத்திற்கு மேற்பட்ட கிராம மக்கள் ஒன்றாக இணைந்து பேரணியாக சென்றனர். பேரணியாக சென்ற பொதுமக்களை ஒவ்வொரு பகுதியிலும் தடுப்புகளை வைத்து போலீசார் தடுத்து நிறுத்த முயன்றனர். ஆனால் தடையை மீறி போராட்டகாரர்கள் தொடர்ந்து சென்றனர். இதனால் போராட்டக்காரர்கள் மீது போலீஸார் தடியடி நடத்தி கலைக்க முயன்றனர்.

போலீஸ் துப்பாக்கிச் சூட்டில் கொல்லப்பட்டது 10 பேர்.. பலர் படுகாயம்.. பெரும் சோகத்தில் தமிழகம்!

Kalai Mathi - Oneindia Tamil : தூத்துக்குடி கலவரத்தை ஒடுக்க போலீஸ் 3 முறை துப்பாக்கிச் சூடு நடத்தியதில் பலியானோர் எண்ணிக்கை 9ஆக அதிகரித்துள்ளது. 
படுகாயமடைந்த பலர் மருத்துவமனையில் சிகிச்சை பெற்று வருகின்றனர். ஸ்டெர்லைட் ஆலையை மூட கோரி தொடர் போராட்டத்தில் ஈடுபட்டு வரும் தூத்துக்குடி மக்கள் இன்று 100வது நாள் போராட்டத்தை மேற்கொண்டனர். மாவட்ட ஆட்சியர் அலுவலகம் நோக்கி ஊர்வலமாக சென்ற நூற்றுக்கணக்கானோரை மடத்தூர் என்ற இடத்தில் போலீசார் தடுத்து நிறுத்தினர். 
இதையடுத்து காவல்துறையினர் மீது கற்களை வீசி போராட்டக்காரர்கள் தாக்குதல் நடத்தினர். போராட்டத்தில் ஏராளமான பொதுமக்கள் சூழ்ந்ததால் போலீசார் ஓட்டம் பிடித்தனர். 
இதனால் அங்கு வன்முறை வெடித்தது. இதையடுத்து போராட்டத்தை கட்டுக்குள் கொண்டுவர முயன்ற காவல்துறையினர், 3 முறை துப்பாக்கிச் சூடு நடத்தினர். முதல் முறை நடத்தப்பட்ட துப்பாக்கிச் சூட்டில் 2 பேர் உயிரிழந்தனர். 
இந்நிலையில் தூத்துக்குடியில் போலீசார் நடத்திய துப்பாக்கிச் சூட்டில் உயிரிழந்தோர் எண்ணிக்கை 9-ஆக உயர்ந்துள்ளது. 
அவர்கள் மேட்டுப்பட்டி கிளாஸ்டன் (40), தூத்துக்குடி கந்தையா (55), குறுக்குசாலை கிராமம் தமிழரசன்(28), ஆசிரியர் காலனி சண்முகம் (40), தாமோதர் நகர் மணிராஜ் ஆகியோர் உயிரிழந்தனர். பத்தாம் வகுப்பு மாணவி பலி பத்தாம் வகுப்பு மாணவி பலி இந்த துப்பாக்கிச்சூட்டின் கொடூர சம்பவமாக போராட்டத்தில் தூத்துக்குடியை சேர்ந்த வெனிஸ்டா என்ற 10ஆம் வகுப்பு மாணவியும் கொல்லப்பட்டுள்ளார். வாயில் துப்பாக்கிக்குண்டு பாய்ந்து அவர் கொல்லப்பட்டுள்ளார். மேலும் அந்தோனி செல்வராஜ் என்பவரும் லூர்தம்மாள்புரத்தை சேர்ந்த ஜெயராம் என்பவரும் போலீசாரின் துப்பாக்கிச்சூட்டுக்கு பலியாகியுள்ளனர். வினிதா (29) என்ற பெண்ணும் உயிரிழந்தார்.

தூத்துக்குடியில் துப்பாக்கி சூடு 9 பேர் உயிரழப்பு ... இறந்தவர்கள் விபரம் .. போலீசின் அராஜகம்

Lakshmi Priya - Oneindia Tamil தூத்துக்குடி: ஸ்டெர்லைட்டுக்கு எதிராக போராட்டம்
நடத்திய போது போலீஸாரின் துப்பாக்கிச் சூட்டுக்கு பலியானவர்களின் பட்டியல் கொடுக்கப்பட்டுள்ளது. ஸ்டெர்லைட்டு ஆலைக்கு எதிர்ப்பு தெரிவித்து மக்கள் நடத்தி வரும் போராட்டம் இன்று 100-ஆவது நாளை எட்டியது. இந்நிலையில் இன்று மாவட்ட ஆட்சியர் அலுவலகத்தை முற்றுகையிட்டவர்கள் மீது போலீஸார் துப்பாக்கிச் சூடு நடத்தினர். List of those who died in Police Gun Shot இதில் இரு பெண்கள் உள்பட 9 பேர் பலியாகிவிட்டனர். அவர்களது விவரம்
.... 1)ஜெயராம்- உசிலம்பட்டி (மக்கள் அதிகாரம்)
 2) கிளாஸ்டன் (லூர்தம்மாள் புரம்- தூத்துக்குடி)
 3)கந்தையா (சிலோன் காலனி - தூத்துக்குடி)
 4) வெனிஸ்டா (17 வயது மாணவி) தூத்துக்குடி
 5) தமிழரசன் - புரட்சிகர இளைஞர் முன்னணி- (குறுக்குசாலை - தூத்துக்குடி)
 6) சண்முகம் (மாசிலாமணி புரம்- தூத்துக்குடி)
 7) அந்தோணி செல்வராஜ் (தூத்துக்குடி)
 8) மணிராஜ் தூத்துக்குடி
 9) வினிதா (29)

890 அரசு பள்ளிகள் மூடப்படும் தமிழக அரசு தீவிர பரிசீலனை

தினத்தந்தி : சென்னை, தமிழக அரசு சார்பில் தொடக்கப்பள்ளிகள், நடுநிலை, உயர்நிலை மற்றும் மேல்நிலைப்பள்ளிகள் இயங்கி வருகின்றன. தொடக்கப்பள்ளியில் 1 முதல் 5-ம் வகுப்பு வரை உள்ளது. குழந்தைகளின் தொடக்கக்கல்வியை ஊக்குவிக்கும் நடவடிக்கையாக மதிய உணவு திட்டம், விலையில்லா சீருடைகள், புத்தகங்கள், காலணி போன்ற திட்டங்களை அரசு செயல் படுத்தி வருகிறது. எனினும் அரசு தொடக்கப்பள்ளிகளில் மாணவர் சேர்க்கை விகிதம் மிகவும் குறைவாக இருப்பதாக தமிழ்நாடு அனைவருக்கும் கல்வி இயக்கம், தொடக்கக்கல்வி இயக்கம் ஆகியவை ஆய்வு நடத்தி கடந்த ஆண்டு அறிக்கை வெளியிட்டது.
இதையடுத்து அரசு தொடக்கப்பள்ளிகளில் எத்தனை குழந்தைகள் படிக்கிறார் கள்? எத்தனை ஆசிரியர்கள் பணி புரிகிறார்கள்? எத்தனை சத்துணவு ஆயாக்கள் இருக்கிறார்கள்? போன்ற விகிதாச்சார விவரங்களை தமிழக அரசின் பள்ளி கல்வித்துறை கணக்கில் எடுத்தது.

கர்நாடகம்: ஒப்புகை சீட்டு வழங்கும் இயந்திரங்களின் அட்டை பெட்டிகள் கண்டெடுப்பு

8 empty boxes used for carrying VVPAT machines found in shed in Vijayapura tamil.oneindia.com/authors/lakshmi-priya :
பெங்களூர்: கர்நாடகத்தில் விஜயபுராவில் ஒப்புகை சீட்டு வழங்கும் இயந்திரங்களின் (விவபேட்) அட்டை பெட்டிகள் கண்டெடுக்கப்பட்டன.
கர்நாடகத்தில் சட்டசபை தேர்தல் கடந்த 12-ஆம் தேதி நடந்து முடிந்தது. இந்நிலையில் விஜயபுரா மாவட்டத்தில் ஒரு தற்காலிக ஷெட் அருகே ஒப்புகை சீட்டு வழங்கும் இயந்திரங்களின் காலி அட்டை பெட்டிகள் இருப்பது கண்டுபிடிக்கப்பட்டன. இவை வாக்காளர் யாருக்கு வாக்களித்தோம் என்பதை சரி பார்ப்பதற்காக வழங்கப்படுவதாகும். இதுகுறித்து மாநில தலைமை தேர்தல் அதிகாரி சஞ்சீவ் குமார் கூறுகையில் ஒரு மாவட்டத்துக்கோ தேர்தல் ஆணையத்துக்கோ தொடர்பில்லாத மணகுலி கிராமத்தில் ஒப்புகை சீட்டு வழங்கும் இயந்திரங்களின் அட்டை பெட்டிகள் கண்டெடுக்கப்பட்டன என்றார்.
இந்நிலையில் தேர்தலில் முறைகேடு நடந்திருப்பதாக எடியூரப்பா தேர்தல் ஆணையத்துக்கு கடிதம் எழுதியுள்ளார்.

தமிழகத்தில் உள்ள இலங்கை அகதிகளின் நிலை,,, குடியுரிமை எட்டாக்கனி?

srilanka-refugeesthenee.com -: அ.விஜயன் : சிவகங்கை மாவட்டம் தாழையூர் முகாமில்  வசித்துவரும்,  சுரேஸ்குமார், சிவாஜினி தம்பதிகள் யாழ்ப்பாணம், நயினாதீவைச் சேர்ந்தவர்கள்.இலங்கையில் எற்பட்ட அசாதாரன சூழ்நிலையால் 2009 இல் அகதிகளாக தழிகத்துக்கு இடம்பெயர்ந்தவர்கள்  வினோதரன், சாதுரியா என இரண்டு பிள்ளைகள் இதில் வினோதரன் தேவகோட்டையில் உள்ள இன்பான் ஜீசஸ் பள்ளியில் 6ம் வகுப்பு படித்து வருகிறார்.
வினோதரனுக்கு சதுரங்க விளையாட்டில் ஆர்வம் இருப்பதை கண்டறிந்த பள்ளி நிர்வாகம் அவனை அதற்கான போட்டிகளில் பங்கேற்க வைத்துள்ளது. வட்டார அளவில் வெற்றியை பெற்ற வினோதரன் மாவட்ட அளவில் இலகுவாக தேர்வாகியுள்ளார். இதனால் அவர் மாநில அளவில் நடைபெற்ற போட்டியிலும் தேர்வாகியுள்ளார். அதன் பின்னர் அவர் தேசிய அளவில் தேர்வானபோது அதனில் பங்கேற்க  அவருக்கு வாய்ப்பளிக்காமல் தடைசெய்துள்ளார்கள்.
என்ன காரணம் என அவரது பெற்றோர் சென்று விசாரித்துள்ளனர் அதற்கு அவர்கள்  இந்தியர் இல்லை என காரணம் காட்டி  அவர் தேசிய அளவில் கலந்து கொள்வதற்கான வாய்ப்பு நழுவிச் சென்றுள்ளது.இந்தத் தடையினை காரைக்குடி சதுரங்க சங்கமே செய்துள்ளது. அந்த மணவனின் பெற்றோர் அந்தச் சங்கத்துடன் பேசிப்பலனில்லாமல் அடுத்தகட்டத்தை எப்படி தாண்டுவது என அவர்கள் கவலை கொண்டுள்ளனர்.

கேரளாவில் மார்பை மறைக்க தடை விதிக்கப்பட்ட 18 சாதிகள் பட்டியல்

Thiyaga  Rajan :திருவாங்கூர் சமாஸ்தானத்தின் ராஜா என்ற பெயரில் ஆரிய அடிமை ஆட்சியில் கீழ் தோழ் சீலை அணிய தடை விதிக்கப்பட்ட 18 சாதிகள்:
1) குயவர் ( மண்பாண்டம் தொழில் சாதியினர் )
2) சாணார் ( நாடார்) மரம் ஏறும் தொழில் சாதியினர்
3) கருமறவர் மற்றும் செங்கோட்டை மறவர் சாதியினர் ( தேவர் )
4) துலுக்கப்பட்டர் ( மாப்பிள்ளை ) சாதியினர்
5) இடையர் ( கோணர் )
6) நாவீதர் ( முடி திருத்தம்) சாதியினர்
7) வண்னார் ( சலவை தொழில்) சாதியினர்.
8) சக்கிலியர் ( துப்புரவு தொழில்) சாதியினர்
9) பறையர் ( பறையடிக்கும் தொழில்) சாதியினர்
10) நசுரானியர் ( சிரியன் கிறிஸ்தவர்) சாதியினர்
11) குறவர் ( கூடை முடைதல்) சாதியினர்
12) வாணியர் ( வாணிய செட்டியார்) சாதியினர்
13) ஈழவர் , தீயர் ( இல்லத்து பிள்ளைமார் ) மற்றும் அந்த சாதியோடு    தொடர்புடைய மற்றும் போர் தொழில் செய்த தீயர் சாதியினர்
14) பாணர் ( ஆடல், பாடலுடன் கூடிய கலைத் தொழில்) சாதியினர்.
15) புலையர் ( பறையருள் ஒர் உட்சாதி வேட்டைத் தொழில்) சாதியினர்
16) கம்மாளர் ( ஆசாரி) கைவினை தொழில் சாதியினர்
17) கைக்கோளர் ( முதலியார்) சாதியினர்.
18) பரவர் ( முத்தரையர்) சாதியினர்.

உயர்ந்த மரபணுக்களைக் கொண்ட பிராமணப் பெண்களைக் கவர்வதற்காக மற்ற சாதி ஆண்கள் அலைகிறார்கள்

கால்நடை மேய்ச்சலும் விவசாயமும் கலந்த பொருளாதாரத்தைக் கொண்ட அரை நாடோடிகளாக ஆரியர்கள் இந்தியாவிற்குள் வந்தார்கள்.,வரலாற்றாசிரியர் டி. என்.ஜா
thetimestamil.com : ஆரியரிடமிருந்து அவர்களுக்கே உரித்தான பாண்டங்கள், கருவிகள், ஆயுதங்கள் என எதுவும் இல்லை. ஆரியர்கள் தாம் தொடர்புகொள்ளும் மக்களிடம் இருந்து தமக்கு ஒத்துப்போகும் எதையும் ஏற்றுக்கொண்டார்கள். மரபணு ரீதியாகவோ, உடல் அமைப்பு ரீதியாகவோ அவர்கள் ஒரேவிதமானவர்களாய் இருக்கவில்லை. இனக்குழுவிற்குள் புதியவர்களை ஏற்றுக்கொள்வதென்பது, போர் வெற்றி மூலமோ ஆரியமாக்கப்பட்டிருந்த பிற மக்களுடன் குறிப்பிட்ட அளவு கலப்புமணம் புரிவதன் மூலம் அடிக்கடி நடந்தது. ஆரியரின் மண்டை ஓட்டு வடிவம் என எதுவும் மெய்ப்பிக்கப்படவில்லை.
– வரலாற்றாசிரியர் டி.டி.கோசாம்பி.  நாம் ஏன் வரலாறு தெரிந்துகொள்ள வேண்டும் என்று கேட்கலாம். ஆதாரங்கள் இல்லாத எதிர்வினைகள் வெறும் அவதூறுகளாகவே எஞ்சிவிடுகின்றன. அதனால் ஆதாரங்கள் தருகிறோம். மென்பொறியாளர் ஸ்வாதியின் படுகொலை, அவர் பெண் என்பதற்காக, பொதுவெளியில் வைத்து படு பயங்கரமாக கொல்லப்பட்டார் என்பதற்காக அவருக்கு நீதி கோருவதை விடுத்து, அவர் சார்ந்த பிராமண சாதியை வைத்து அதிகம் விவாதிக்கப்படுகிறார்.

அமரர் ராஜீவ் காந்தி .. இந்தியாவை காப்பாற்றிய தகவல் தொழில் நுட்ப நாயகன்!

Muruganantham Ramasamy : ஒரு முறை அமெரிக்காவில் இந்திரகாந்தியை
ஒருமனிதர் சந்திக்கவந்தார்.தன்னை தொழில் நுட்பவியலாளர்(Technocrat)
என்றும் கூறிக்கொண்டார். அவர் நிறையப்பேசினார்! அவை இந்திராவிற்கு புரியவில்லை! ஆனால் விஷயமுள்ளது என உணர்ந்து உடனிருந்த ராஜீவை அழைத்து 'இவர் ஏதோ சொல்கிறார் கேள்!' என அறிமுகப்படுத்துகிறார். அச்சந்திப்பு இந்தியாவின் தொழில்நுட்ப பாய்ச்சலுக்கு காரணமாகும் என்றோ,அது இந்தியாவின் சமூகப்பொருளாதாரத்தில் அசாதரணமான வாய்ப்புகளை உருவாக்கும் என அவருக்கோ, ஏன் யாருக்குமே தெரியாது.அப்போது விடைபெற்ற அவர் ராஜீவின் நினைவில் தன்னை ஆழமாகப் பதிந்து விட்டிருந்தார்! அந்தமனிதர் சாம் பிட்ரோடா!
பின்பு அசாதரணமான ஒரு சூழலில் இந்திராவின் மரணத்திற்கு பிறகு பிரதமராக ராஜீவ் பொறுப்பேற்க வந்த போது உலகளாவியஅரசியலும், பொருளாதாரமும், பெரும் சுழலில் சிக்கியிருந்தன. சோவியத்யூனியன் வலுக்குன்றி , உலகின் ஒற்றை பெரியண்ணனாக அமெரிக்கா உருவாகத்துவங்கியிருந்தது. வளைகுடாப்போருக்கான மேகங்கள் திரளத்துவங்கியிருந்தன! சோஸலிஸ சமூகத்திற்கான கனவுகளின் வண்ணங்கள் வெளிறியிருந்தன! இந்திய அதிகாரவர்க்கம் கெட்டிதட்டி உறைந்து போயிருந்தது! அது அசையவோ, அசைக்கவோ,தயாரில்லை! பாட்டாளிகளுக்கான அரசியலைவிட வெள்ளுடை அரசு அலுவலர்களிடம் சந்தா வசூலிப்பது எளிதென வரலாற்று முரணியக்க பொருள்முதல்வாதத்தின் புதிய சாத்தியங்களை இடதுசாரிகள் கண்டுணர்ந்திருந்த படியால் இந்தியாவின் சாமானியனின் சாபத்திற்கு தினசரி ஆளாகியிருந்த இந்திய அதிகாரவர்க்த்தின் காவலர்களாக ஆனார்கள்! எல்லா புதியசிந்தனைகளும், தொழில்நுட்பங்களும், அமெரிக்க ஏகாதிபத்யத்தின் சதியென நிறுவும் வாதங்களை இந்தியாவில் உற்பத்தியாகும் காகிதத்தில் பாதியை புத்தகங்களாக்கி பரப்பினார்கள்! மிச்சமிருப்பவைதான் பாடப்புத்தகங்களுக்கும்,இதர தேவைகளுக்கும்! விஞ்ஞானப்பூர்வ அணுகுமுறையை அடிப்படைதரிசனமாக கண்டிருந்த மார்க்ஸின் ஆன்மா அதிர்ச்சியில் உறைந்தது.

திங்கள், 21 மே, 2018

சமுகநீதிக்கு தொடர் அடி ... பவுண்டேசன் கோர்ஸ் ... திமுக போர்க்கொடி!

Ganesh Babu : சமூகநீதியை ஒழிக்கும் எந்த சூழ்ச்சிக்கு எதிராகவும் முதலில்
போர் முரசுக்கொட்டுவது திராவிட முன்னேற்றக் கழகம். 2016ஜனவரியிலும் இப்படித்தான் தமிழர்கள் ஜல்லிக்கட்டு மாட்டைப் பற்றி சிந்தித்துக்கொண்டிருந்த வேளையில் தி.மு.க மட்டுமே நீட்டைப் பற்றிய பிரச்சாரத்தை தொடங்கியிருந்தது. இப்போது UPSC தேர்வில் மத்திய பார்ப்பன ஜனதா அரசின் தில்லுமுல்லை அம்பலப்படுத்தியிருக்கிறார் தளபதி ஸ்டாலின்!
சென்ற ஆண்டு மெல்ல மெல்ல நீட் தேர்வின் கொடூரங்கள் புரியத்தொடங்கியதும், ஆட்சியில் இருந்தப்போது 2007ஆம் ஆண்டே தமிழ்நாட்டில் 'நுழைவுத் தேர்வு ரத்து' என்கிற மாநில சட்டத்தை இயற்றி, தொடர்ந்து நீட் போன்ற நுழைவுத் தேர்வுகளுக்கு எதிரான நடவடிக்கைகளில் உறுதியாக நிற்கும் தி.மு.கவைப் பார்த்து திடீரென தூங்கியெழுந்த சிலர், "நீட் தேர்வுக்கு எதிராக தி.மு.க ஏன் குரல் எழுப்பவில்லை?" என்று கேட்ட கொடுமைகளை எல்லாம் நாம் பார்த்தோம்.

அருணாச்சலப் பிரதேசத்தில் ரூ. 4 லட்சம் கோடி தங்கச் சுரங்கம்: அத்துமீறும் சீனா; அடுத்த மோதல் ஆரம்பம்


tamil.thehindu.com : அருணாச்சலப் பிரதேச எல்லையில் 4 லட்சம் கோடி ரூபாய் மதிப்பு கொண்ட தங்கச் சுரங்கத்தை சீனா அத்துமீறி தோண்டி வருகிறது. இந்தியப் பகுதிக்குள் பரவியுள்ள அந்தச் சுரங்கத்தைக் கபளீகரம் செய்யும் சீனாவின் முயற்சியால் அந்நாட்டுடன் மீண்டும் மோதல் ஏற்பட்டுள்ளது.
இந்தியா, சீனா, பூடான் நாடுகளின் எல்லையில், சிக்கிம் மாநிலத்தின் டோக்லாம் எல்லைப் பகுதி அமைந்துள்ளது. இங்கு கடந்த ஜூன் மாதம் சீன ராணுவம் சாலை அமைக்க முயன்றது. இதை இந்திய ராணுவத்தினர் தடுத்து நிறுத்தினர். இதனால், ஏற்பட்ட சிறிய மோதலில் இரு தரப்பு நாட்டு ராணுவத்தினரும் படைகளைக் குவித்ததால், பதற்றம் ஏற்பட்டது. அதன்பின், இந்தியா, சீன தூதரக மட்டத்தில் நடந்த சுமுகப் பேச்சுக்குப் பின், இரு நாடுகளும் தங்களின் படைகளை வாபஸ் பெற்றன. எனினும் அங்கு அவ்வப்போது, சீனா கட்டுமான நடவடிக்கைகளை மேற்கொண்டு வருகிறது. இந்தியத் தரப்பில் தொடர்ந்து எதிர்ப்பு தெரிவிக்கப்பட்டு வருகிறது.

ஆறாவது பணக்கார நாடாக இந்தியா! 67 வீத மக்கள் வறுமை கோட்டிற்கு கீழ் 67 percent of India's population lives below the poverty

ஆறாவது பணக்கார நாடாக இந்தியா!India, home to over 1.2 billion people, is the second most populous nation on earth, with a large part of their population living in poverty. Around 67 percent of India's population lives below the poverty line. The capital Mumbai, the nation's most populous city, is home to over 22 million people.
minnampalam :உலகின் முதல் பத்து செல்வச் செழிப்பு மிக்க நாடுகளைக் கண்டறிய
ஏ.எஃப்.ஆர். ஆசிய வங்கி ஆய்வு ஒன்றை மேற்கொண்டது. இந்த ஆய்வு தனிநபர் வருமானத்தின் அடிப்படையில் மேற்கொள்ளப்பட்டது. இதில், இந்தியா ஆறாவது இடத்தில் உள்ளதாகக் கண்டறியப்பட்டுள்ளது.
ஏ.எஃப்.ஆர்.ஆசிய வங்கி மேற்கொண்ட ஆய்வில், 62,584 பில்லியன் டாலர்களுடன் அமெரிக்கா முதலிடத்திலும், 24,803 பில்லியன் டாலர்களுடன் சீனா இரண்டாவது இடத்திலும், 19,522 பில்லியன் டாலர்களுடன் ஜப்பான் மூன்றாவது இடத்திலும் உள்ளன. நான்காவது இடத்தில் 9,919 பில்லியன் டாலர்களுடன் இங்கிலாந்தும், 9,660 பில்லியன் டாலர்களுடன் ஜெர்மனி ஐந்தாவது இடத்திலும் உள்ளன. 8,230 பில்லியன் டாலர்களுடன் இந்தியா ஆறாவது இடத்தில் உள்ளது.

கனடா (6,393 பில்லியன் டாலர்கள்), ஆஸ்திரேலியா (6,142 பில்லியன் டாலர்கள்), பிரான்ஸ் (6,649 பில்லியன் டாலர்கள்), இத்தாலி (4,276 பில்லியன் டாலர்கள்) உள்ளிட்ட நாடுகள் இந்தியாவுக்கு அடுத்த நிலையில் உள்ளன.
கடந்த 10 ஆண்டுகளில், இந்தியாவின் சொத்து மதிப்பீடு 200 சதவிகிதம் வளர்ச்சியடைந்துள்ளது. அதிக எண்ணிக்கையிலான தொழில் முதலீட்டாளர்கள், சிறந்த கல்விமுறை, தகவல் தொழில்நுட்ப வளர்ச்சி, மருத்துவத் துறை மற்றும் ரியல் எஸ்டேட் போன்றவற்றின் வளர்ச்சி காரணமாக இந்தியாவின் சொத்து மதிப்பு அதிகரித்துள்ளது.